அப்பன்செல் அவ்சர்ஹோடன் மாநிலத்தில் ஓய்வு நேரத்தை களிப்பதற்கு பல கவர்ச்சியான வசதிகள் உள்ளன. கழகங்களும் சங்கங்களும் இதில் முக்கியமானவை. அவை மற்ற மனிதர்களைச் சந்திப்பதற்கான சந்தர்ப்பங்களை வழங்குகின்றன.
அப்பன்செல் அவ்சர்ஹோடன் மாநிலத்தில் அதிகமான குடியிருப்பாளர்கள் ஏதோ ஒரு கழகத்தில் (club) அங்கத்தவராயிருப்பார்கள். பல வகைப்பட்ட ரசனைக்கேற்ப அதிக கழகங்கள் உள்ளன. சிறிய சமுதாயங்களில் கூட விளையாட்டு, கலாச்சாரம் மற்றும் ஏனைய கழகங்கள் உள்ளன. அவை மற்ற மனிதர்களுடன் தொடர்பு கொள்வதற்கான சிறந்த சந்தர்ப்பங்களை ஏற்படுத்துகின்றன. அதிகமான கழகங்கள் அனைத்து மக்களுக்காகவும் திறந்துள்ளன. கழகங்கள் பற்றிய தகவல்களை மாநகராட்சிகளின் இணையத்தளங்களில் தேடலாம்.
மாநிலத்திலுள்ள இளையவர்கள் தமது ஓய்வு நேரத்தைக் கழிக்கவும் தமது வயதையொத்தவர்களுடன் பழகிக் கொள்ளவும் எனப் பல விசேட வசதிகள் உள்ளன. அதிகமான மாநகராட்சிகளில் ஓய்வு நேரச் சலுகைகளுடன் கூடிய சந்திப்புக்கள் உள்ளன. இங்குள்ள இளையவர்களைப் மேற்பார்வை செய்யப்படுகிறார்கள், அவர்கள் தங்கள் எண்ணங்களைப் பங்களிப்பாக வழங்கி செயற்திட்டங்களை நடைமுறைப்படுத்துகிறார்கள் (youth work). இந்நிகழ்ச்சிகள் பொதுவாக இலவசமானவையாகும். இளைஞர் அமைப்புகளில் ஒரே வயதினர் சேர்ந்து கள விளையாட்டு விளையாட்டுக்களில் பங்கெடுப்பதற்கான சந்தர்ப்பங்களை வழங்குகின்றன. இந்நிகழ்ச்சிகள் கழகங்களால், மாநகராட்சிகளால அல்லது பிராந்திய தேவாலயங்களால் நடத்தப்படுகின்றன. அனைத்து இளையோர்களும் வரவேற்கப்படுகிறார்கள். மேலதிக தகவல்களை உங்கள் உள்ளூர் மாநகராட்சியில் பெற்றுக் கொள்ள முடியும்.
அப்பன்செல் அவ்சர்ஹோடன் மாநிலம் பல சுற்றுலா வாய்ப்புகளையும் செறிவான கலாச்சார நிகழ்ச்சிகளையும் வழங்குகிறது. பல அழகிய நடைபயணம் மற்றும் மிதிவண்டி வழித்தடங்கள் உள்ளன. பல அருங்காட்சியகங்கள் பல்வேறு தலைப்புகளில் கண்காட்சிகளை வழங்குகின்றன. அப்பன்செல் சுற்றுலாத் துறை சுற்றுலா வாய்ப்புகள் மற்றும் நிகழ்வுகளைப் பற்றிய தகவல்களை வழங்குகிறது. தற்போதைய கலாச்சார நிகழ்வுகள் பற்றிய தகவல்கள் உள்ளூர் நாளிதழ்களிலும் கிடைக்கும்.
அப்பன்செல் சுற்றுலா / மேலும் தகவல்கள்
அப்பன்செல் சுற்றுலா / நிகழ்வு நாட்காட்டி
அப்பன்செல் இல் உள்ள அருங்காட்சியகங்கள்
Pro Senectute / முதியோருக்கான பொழுதுபோக்கு செயற்பாடுகள்
My Switzerland / பொழுதுபோக்குச் செயற்பாடுகள்
Frauentreff AR / குடிவந்த பெண்களுக்கான வலையமைப்பு
ForumMann Appenzell Ausserrhoden
தன்னார்வத் தொண்டு என்பது ஊதியம் பெறாமல் சமூகத்திற்குச் செய்யும் பங்களிப்பாகும், இது மற்றவர்களுக்கும் சுற்றுச்சூழலுக்கும் பயனளிக்கிறது. சுவிட்சர்லாந்தில், பாரம்பரியமாக ஏராளமான பணிகள் தன்னார்வலர்களால் மேற்கொள்ளப்படுகின்றன. இந்தப் பணியின் பெரும்பகுதி சங்கங்கள் அல்லது கழகங்களுக்குள் செய்யப்படுகிறது. இந்தக் கழகங்கள் கலாச்சாரம், விளையாட்டு, சமூகப் பிரச்சினைகள், கல்வி, விலங்கு மற்றும் சுற்றுச்சூழல் பாதுகாப்பு, சுகாதாரம் மற்றும் பிற துறைகளில் ஈடுபடுவதற்கான வாய்ப்புகளை வழங்குகின்றன. தன்னார்வத் தொண்டு மற்றும் வாய்ப்புகள் பற்றிய தகவல்களை Benevol என்ற தன்னார்வ நிறுவனத்தில் இருந்து பெறலாம்.
