கட்டாயப்பாடசாலை

பகிரங்கப் பாடசாலைகளின் செயற்பாடுகளுக்கு கிராமசபைகளே பொறுப்பாகும். பிள்ளையைப் பாடசாலைக்குப் பதிவதற்கு கிராமசபையிலோ அன்றி நேரடியாகப் பாடசாலை அதிபரிடமோ தொடர்பு கொள்ளலாம்.

கட்டாயப்பாடசாலை மூன்று ஒன்றன்பின் ஒன்றான நிலைகளைக் கொண்டது:

• சிறுவர் பாடசாலை (Kindergarten) 2 வருடங்கள் எடுக்கும். முதல் ஆண்டு விருப்பத்திற்குரியது, இரண்டாவது ஆண்டு கட்டாயமாகும்.
• ஆரம்பப்பாடசாலை (Primarschule) 6 வருடங்கள் எடுக்கும். ஊக்கமும் உதவியும் தேவையான பிள்ளைகளுக்கு தனிப்பட்ட முறையில் விசேட கவனம் கொடுக்கப்படும்.
• மேல்நிலை (தொடக்கமேல் நிலை I) 3 ஆண்டுகள் நீடிக்கும். மேல்நிலையில், குழந்தையின் தேவைகளுக்கு ஏற்ப பல மாதிரிகள் உள்ளன. இந்த நிலை அடிப்படை கல்வியை ஆழமாகக் கற்பிப்பதற்கும், இளைஞர்களை தொழில் தேர்வு, மேல்நிலைப் பள்ளிகள் மற்றும் பெரியோரின் வாழ்க்கைக்கு தயார்படுத்துவதற்கும் பயன்படுகிறது.
• தாய்மொழி டொச் அல்லாத பிள்ளைகளுக்கு எல்லாப் பிரிவிலும் விசேட கவனம் கொடுக்கப்படும்.

ஜெர்மன் மொழி பேசாத குழந்தைகள் அனைத்து நிலைகளிலும் சிறப்பு உதவியை பெறுகின்றனர்.

பகிரங்கப் பாடசாலைகள் இலவசமானவை. இங்கு ஆண் பிள்ளைகள் பெண்பிள்ளைகள் சேர்ந்தே ஒன்றாகக் கற்பார்கள். பாடங்கள் மதச்சார்பற்றவை. அதிகமான (95%) சிறுவர்கள் இளையவர்கள் தமது கட்டாயப்பாடசாலையை பகிரங்கப் பாடசாலையிலேயே படிப்பார்கள். தனிப்பட்ட பாடசாலைகளும் உள்ளன. பிள்ளைகளைத் தனிப்பட்ட பாடசாலைக்கு அனுப்ப விரும்பும் பெற்றோர் செலவுகளைத் தாமே பொறுப்பெடுக்க வேண்டும்.

பிள்ளைகளின் தினசரிப் பாடசாலை நாட்கள் மற்றும் அவர்கள் திறமைகள் பற்றியும் பெற்றோருக்கு அறியத்தருவது பாடசாலையின் பொறுப்பாகும். அதற்காகவே பெற்றோருடன் கலந்துரையாடல் (ஆசிரியர் பெற்றோருக்கிடையில்) பெற்றோர் மாலை (பாடசாலைத் தகவல்களைப் பெற்றோருக்கு அறியத்தருதல் ) மற்றும் தகவல் நிகழ்ச்சிகள் இடம்பெறும். அதிகமாக இவை எல்லாவற்றிற்கும் பெற்றோர் பங்குபற்ற வேண்டும். பிள்ளையை ஒழுங்காகப் பாடசாலைக்கு அனுப்புவதற்குப் பெற்றோரே பொறுப்பாகும். பிள்ளை பாடங்களுக்குச் சமூகமளிக்க முடியாவிடின் (உ+மாக நோய்) அது பற்றிப் பெற்றோரே அறிவிக்கவேண்டும்.

அவர்களின் குழந்தைகள் வீட்டுப்பாடங்களை செய்து முடிக்க வேண்டும் என்பதை பெற்றோர்கள் உறுதிப்படுத்த வேண்டும். பெற்றோர்கள் பள்ளிப் பாடங்கள் மற்றும் வீட்டுப்பாடங்களை தவறாமல் பார்த்து, ஆர்வம் காட்டினால், குழந்தைகளை சிறப்பாக உதவிக்கொடுக்க முடியும். சுவிஸ் கல்வி முறையை இன்னும் அறிந்துகொள்ளாதவர்களுக்காக சிறப்பு தகவல் நிகழ்ச்சிகள் நடத்தப்படுகின்றன.

ஏதாவது வினாக்கள் இருப்பின் பெற்றோர் எப்போதும் முதலில் வகுப்பாசிரியரை நாட வேண்டும். பெற்றோருக்கு உதவி தேவைப்படுமிடத்து வகுப்பாசிரியரே உதவி செய்வார். பிள்ளைக்கு ஏதாவது தேவைப்படுவதாக உணர்ந்தாலோ அன்றி ஏதாவது வினாக்கள் இருப்பினும் ஆசிரியரும் முதலில் பெற்றோரை நாடவேண்டும். பொதுவாகவே பெற்றோர் ஆசிரியருடன் தொடர்பைப் பேணி ஒருங்கிணைந்து செயற்படு தல் மிகவும் முக்கியம். பிள்ளை மனதில் அல்லது சூழலில் ஏதாவது கஸ்டங்களை அனுபவித்தால் பாடசாலை உளநலப்பிரிவை (Schulpsychologischer Dienst) நாடலாம். இங்கு பிள்ளைகளுக்கும் அவர்கள் பெற்றோருக்கும் இலவசமான உதவிகள் வழங்கப்படும்.