வரிகள்

சுவிஸில் அரசு, மாநிலம், கிராமசபை மற்றும் உள்நாட்டுத் தேவாலயங்கள் அனைத்துக்கும் வரிகள் உள்ளன. நேரடி வரி, மறைமுக வரி என வேறுபடுத்தலாம். நேரடி வரியுள்; வருமானம் - சொத்துவரி அடங்கும். இதை நேரடியாக வரி செலுத்துபவர் செலுத்தவேண்டும். மறைமுக வரிகளாவன விற்பனைவரி, சிகரெட்வரி, கனிமஎண்ணெய் வரிகளாகும். இந்த வரிகள் பொருட்களின் விலைக்குள் அடங்கியிருக்கும்.அதிகமான வரிகளுக்கு மாநிலம் கிராமசபைகளே பொறுப்பான போதும் நேரடி வரிகளின் அளவு ஒவ்வொரு வதிவிடங்களுக்கும் வித்தியாசப்படும்.கணவன் மனைவி இருவருக்கும் ஒன்றாகவே வரி அறவிடப்படும்.

புதிதாகக் குடியேறிய வெளிநாட்டவர்களின் வருமானவரி நேரடியாக அவர்களின் சம்பளத்திலிருந்தே கழிக்கப்படும் (ஆதாரவரி, Quellensteuer). வேலை வழங்குபவரே தம்முடன் வேலை செய்பவர்களைப் பதிந்து கொள்வார்.

• வரியின் அளவு வருமானம் குடும்பநிலை (தனியானவர் மணமானவர் மணவிலக்குப் பெற்றவர்) மற்றும் பிள்ளைகளின் எண்ணிக்கையைப் பொறுத்ததாகும். ஏதாவது மாற்றங்கள் நேர்ந்தால் உடனடியாக அறிவிக்கவேண்டும்.
• ஆதாரவரியுடன் மேலும் பல கழிப்பனவுகள் இடம்பெறலாம். உ+மாக 3 வது ஏற்பாடுகள், கடனுக்குரிய வட்டி, அதிக நோய் சம்பந்தப்பட்டசெலவுகள் என்பன.
• சொத்து இருந்தால் அந்தத் தகவலைத் தெரியப்படுத்தி அதற்கான வரியைத் தனியாகக் கட்ட வேண்டும்.
• வருடத்திற்கு 120'000 பிராங்குகள் வருமானமிருப்பின் ஆண்டு வருமானத்தகவலைச் சமர்ப்பிக்க வேண்டும் (ஒழுங்கான வரிவிதித்தல்).
• மணம்முடித்த கணவனோ மனைவியோ சுவிஸ் கடவுச்சீட்டு உள்ளவராகவோ அல்லது நிரந்தர வதிவிட உரிமை C உள்ளவராகவோ இருந்தால் ஒரு வருமானத்தகவல் பத்திரத்தைச் சமர்ப்பிக்க வேண்டும். (ஒழுங்கான வரிவிதித்தல்)

மாநில வரி இலாகா (Kantonales Steueramt) ஆதார வரி பற்றிய மேலதிகத் தகவல்களை அறியத்தரும்.

மூல வரிக்கான பொறுப்பு: Franziska Götti, 071 353 63 16, quellensteuer@ar.ch

சுவிஸ் கடவுச்சீட்டு அல்லது நிரந்தர வதிவிட உரிமை C உள்ளவர்கள் நடைமுறையான வரி கட்ட வேண்டும் (ordentliche Besteuerung). அவர்களின் சம்பளத்தில் வரி கழிக்கப்பட மாட்டாது. அவர்கள் தமது வரித்தகவல்களை (Steuererklärung) நிரப்பியனுப்பிப் பின்பு கட்டணமாகச் செலுத்தலாம். வரித்தகவல்களை நிரப்புவது சுவிஸ் மக்களுக்கும் சிக்கலான விடயம். முதல் தடவையாக வரித்தகவல்களை நிரப்புவதானால் யாரிடமாவது உதவி கோருவது புத்திசாலித்தனம். வழக்கமான வரிப்பதிவு செயலுக்கு மாநில வரி நிர்வாகம் பொறுப்பாக உள்ளது.

Appenzell Ausserrhoden-இல், மூல வரிக்கேற்ப நீங்கள் B அனுமதியுடன் இருப்பினும், பின்பு சாதாரண வரி செலுத்துவதற்கான விண்ணப்பத்தை சமர்ப்பிக்கும் வாய்ப்பு உங்களுக்கு உள்ளது. மொத்த மூலவரி உங்கள் சம்பளத்திலிருந்து நேரடியாகக் கழிக்கப்படும். விண்ணப்பத்தை சமர்ப்பித்த பிறகு, மூல வரியில் தானாக சேர்க்கப்படாத கழிப்புகளை நீங்கள் பிரகடனம் செய்யலாம். ஒருமுறை சாதாரண வரி செலுத்த தேர்வு செய்தால், ஒவ்வொரு ஆண்டும் வரி அறிவிக்க வேண்டும்.

• மூன்றாவது தூணில் முதலீடுகள்
• கடன் வட்டி
• அதிக மருத்துவச் செலவுகள்
• உண்மையான தொழில் செலவுகள்
• மூன்றாம் தர வரி செலுத்தும் செலவுகள் (குழந்தை பராமரிப்பு)
• நீங்கள் தனியாக செலுத்திய மேலோட்டக் கல்வி செலவுகள்
• போன்றவை

சமர்ப்பிக்க வேண்டிய இறுதி நாள்: விண்ணப்பம் அடுத்த ஆண்டு மார்ச் 31க்குள் சமர்ப்பிக்கப்பட வேண்டும் (மின்னணு சமர்ப்பிப்பு தேதி). இந்தக் காலக்கெடு நீட்டிக்க முடியாது.