Alkooli / duhani / droga

Mbajtja, shitja apo konsumimi i drogave ilegale është vepër penale. Kjo vlenë edhe për sasi të vogla. Cilat substanca janë ilegale, është e rregulluar me ligjin për substancat narkotike (Betäubungsmittelgesetz). Shitja e drogave në mënyrë biznesore ndëshkohet me gjoba të larta.

Për shitjen e alkoolit dhe duhanit ka kufizim të moshës. Kështu në kantonin Appenzell Ausserrhoden duhani dhe pijet alkoolike nuk guxojnë tu shiten fëmijëve dhe të rinjëve nën moshën 16 vjeçare. Për pije alkoolike të veçanta si spirituozet, kufiri qëndron te mosha 18 vjeçare.

Ndalimi i pirjes të duhanit në Zvicër dallon nga kantoni në kanton. Kantoni i Appenzell Ausserrhoden mbështetet në ligjin federal për mbrojtjen e duhanpirësve pasiv dhe nuk njeh ligj tjetër të dhënë prej kantonit.

Ndalim i pirjes të duhanit vlen në:

• Në hapësirat e mbyllura që janë të aksesueshme për publikun, veçanërisht në ndërtesat e administratave publike, spitale, azile, institucione arsimore, kulturore dhe sportive dhe në të gjitha fushat e gastronomisë, ndalohet pirja e duhanit.
• Mund të ofrohen hapësira të ndara dhe të markuara si të tilla me ventilim të mjaftueshëm për ata që duan të pinë duhan.
• Përjashtimet rregullohen nga qeveria kantonale.

Pirja e duhanit është gjithashtu e ndaluar në ambientet e brendshme të restoranteve. Një përjashtim janë dhomat e duhanpirësve, që janë të ndara dhe të ventiluara, por ato po bëhen gjithnjë e më të pakta. Ndalesat e pirjes së duhanit kanë për qëllim mbrojtjen e shëndetit të njerëzve.